Afirika ìre ge me lek ebi kè kọntinenti (ikpele lek ijọn̄) cha òkup me linyọn̄.

Okike Ijọn̄

Afirika ore òso iba òmimin ichit me lek kọntinenti cha òkup me linyọn̄. Emen-awaji eyi òlilibi iraka me agba lek Afìrikà ìre eyi ekigwen Atilantik. Akọp ido go mè iba okup me emen Afirika.

Ebi Ene

Eriọọn̄ Afirika kire ama ebi ofifit mije me owuwa ido òkup me Afirika, ebi ìluluk me emen kiban̄ ere ofifit. Usini mgbọ, igọọk me ike ọmọ okekebe me isi linyọn̄ agan̄ ura okimalek ira itoon̄, ura ya îra ikirọ inyi akaplek ebi ìkiluk me emen kan̄ inikikana ofifit.

Ubọk Ere Okupbe

Afirika si ìre ere òkiyoyok baalek unye ura. Me agan̄ inyọn̄, Èwê Sayara me Ijipiti (ọmọ ochat ichit etete ebi kè èwê òkup me linyọn̄). Me agan̄ òsiki, mîkaan̄ Ogoon̄ Kilimanjairo me Kamerun (ọmọ obene ichit me lek ijọn̄ Afirika).

Usem

Afirika îkaan̄ owuwa usem. Ido geelek mîkaan̄ usem kiban̄. Ama geelek me emen ido cha eyayaka inikaan̄ usem kiban̄ si. Usem òsisibi isi ichit me lek ijọn̄ Afirika ìre Suwayili.

Ikwaan̄

Ebi Afirika mîkaan̄ esese ukot mbọm. Usini ene ekiwop uko, usini ekisi ọkọ mun̄. Usini ekinyam ewe.

Isi-ikpa

Ebi ene kpemalek isi ikpa me Afirika ike ebi ìluk me ikpele lek ijọn̄ kechilọ esibe ikpa. Owuwa nsabọn kpesi uwu-ikpa si.

Erumfaka

Ebi ene me Afirika ekisa me esese oniin̄ ikitọbọ ebum inyi esese inu. Esese esese erumfaka òwa, kubọk Kiristien, Isilam mè Erumfaka Orọmijọn̄ Afirika.

Orọmijọn̄

Otutuuk ido mè otoko me Afirika mîkaan̄ orọmijọn kiban̄.